خريطة الشعر الموريتاني
طول بطوك وي لكعاد
دون ولفك لين اتواسيه
ذاك تعرف من ينزاد
فيك حزم وزيد اعليه
فيك لقب من بعد التوف
واد شور امن عت اتشوف
باكزاز واكحال أجوف
وارشان أو كر أحاسيه
ذاك واكر التجال أتوف
كان ذاك البيه اعدك بيه
ساكن هذاك المعطوف
يادليل الضمير اعليه
عرض المزيد (8 بيت) طي
فيك لقب من وكر ساخ
فيك عاكب ذمن لوساخ
لين بعد اتشوف البخاخ
واظمين أل متوليه
وازوير واحسي الساخ
زاد كمي لخاظت بيه
كان ذاك احجلك يمساخ
لازمك واشكال إحاذيه
عاد بالك من وقت امشيت
ساكن ال بين أقزيت
بيظت الم والتيشليت
ذا احجلك ول ناسيه
كان ذاك احجلك ما تيت
حد كاعد هون اتحانيه
يادليل أيكان اطيت
ذاك بيهل تعرف فيه: